So skal gjenta hava det

Den fagre gjenta skal ut og blenkja

og læra gutarne stort aa tenkja.

Den fagre gjenta skal sviva ut

og te seg fram for den gilde gut.

Den vene gjenta skal slik ein hava,

som henne frir fraa i mold aa grava.

Den vene gjenta skal slik ein faa,

som henne setja kan høgt paa straa.

Den beste gjenta skuld' alltid vera

for den, som kunde det beste gjera.

Den fagre gjenta skuld' faa seg den,

som kan litt meir en dei andre menn.