Stilleben

Auf'm Tisch, da steht a Masskruag,

Salz und Pfeffer in der Büchs',

Und a Glasl mit an Schmalzler,

Und a Schnupftuach und sunst nix.

Und koa' Hunderl und koa' Katzerl,

Und koa, Kelln'rin in der Stub'n,

Und koa' Wirt net und koa' Wirtin,

Und koa' Hausknecht umadum.

Grad de Uhr macht tickel tackel,

Und a Fliag'n summst umadum,

Und der Mondschei' scheint durch' Fenster

Auf'n Masskruag in der Stub'n.

Alles still, als wia im Freithof,

Lauta Ruah und lauta Fried',

Grad a so, als wollt's vakünden:

Unterm Tisch, da liegt der Schmied.