Balaloo, Lammie

Now balaloo, lammie,

Now balaloo, dear;

Now balaloo, lammie,

Ye're mammie is here.

Now hushaba, lammie,

Now hushaba, dear;

Now hushaba, lammie,

Ye're mammie is here.

What ails my wee bairnie,

What ails it this night?

What ails my wee bairnie,

Is lammie no right?

Sing balaloo, my lammie,

Sing balaloo, my dear,

Does wee lammie ken

That its daddie's no here?

Ye're rockin' fu' sweetly

On mammie's warm knee,

But daddie's a-rockin'

Upon the saut sea.

The wild wind is ravin'

And mammie's heart-sair,

The wild wind is ravin'

And ye dinna care.

Sing balaloo, my lammie,

Sing balaloo, my dear.