Clarae stellae, scintillate

Clarae stellae, scintillate

et splendorem novum date

huius diei tanto fulgori.

Mundus vivat in laetitias

et mox habeat suas delicias

tantae pompae suo decori.

Coeli repleti iam novo splendore

plaudunt in tanta die,

et simul terra arridit tota

in tam solemni pompa.

Dum festum celebratur

almae Visitationis

gaudeat etiam cor meum

Mariam laudando et collaudando Deum.

Nunc iubilare,

semper laetare

gaudio immenso

anima mea.

Et sit tibi iubilando,

et sit tibi memorando

mundi et cordis alma spes.

Si non es laetitia plena

tantae pompae aura serena

sit dulcedo tuae maestitiae,

et in te solum sint mille deliciae.

Alleluia.