Non in pratis aut in hortis

Recitativo

Non in pratis aut in hortis,

non in vineis Engadi

quaeram dilectum meum;

inter rosas et lilia

amplius iam non laetatur,

sed in Calvario sponsus meus moratur

Adagio

Ibi spinis confixus,

verberibus afflictus

et plagis vulneratus

sanguinem suum pretiosum

et vitam fudit

ut hominem salvaret,

quem debuerat odisse;

tanti est nos peccavisse?

Aria

Pro me caput spinas habet,

pro me sunt illi dolores et labores,

pro me fluit unda cruoris.

Ego vilis et contempta

tanto pretio Redemptoris.

Recitativo

Quaesone facias, Domine,

tot irrita tormenta,

tot irritas passiones,

sed super nos effunde

merita tui doloris,

et dum delicta sua

cor nostrum detestamur nunc sincere,

tu bonus nostri quoque miserere.