Musae Jovis

Musae Jovis ter maximi

Proles, canora plangite,

Comas cypressus comprimat:

Josquinus ille occidit,

Templorum decus

Et vestrum decus.

Saevera mors et improba,

Quae templa dulcibus sonis

Privat, et aulas principum,

Malum tibi quod imprecer

Tollenti bonos,

Parcenti malis.

Apollo sed neccem tibi

Minatur, heus, mors pessima:

Musas hortatur addere

[Instructus arcu et spiculis

(Musasque ut addent commonet)]

Et laurum comis

Et aurum comis.

Josquinus (inquit) optimo

Et maximo gratus Jovi,

Triumphat inter caelites

Et dulce carmen concinit,

Templorum decus,

Musarum decus.

Tenor:

Circumdederunt me gemitus mortis

Dolores inferni circumdederunt me.