Da Bua in da Fremd'

Von meini Liab'n weit,

bei denan all' mei Freud',

in'n fremden Land so öd,

bei fremdi Leut' so blöd',

då muaß i mi so ummaschlågn,

kann um mei Miazerl neamst nid fråg'n.

A Niada sicht ma's ån,

dass i koan Freud' hålt nimmer hån,

mir schmeckt koan Trunk, koan Ess'n,

kånn's Dianderl nit vergess'n.

Då kimmt a Bua, der d'Zitharn schlågt,

so schön, so liag, då håt's mi påckt.

Di Zitharn spült mi hoam,

muaß flenna in da G'hoam;

auf d'Ålman und auf d'Mühl

denk' i bein Zitharnspül.

A Bua, der in da Fremd' wo is,

griagt bei da Zithern 's Hoamweh g'wiß!