Da neidige Bauer

A Vögerl, a kloan's,

is trauri da g'sess'n,

denn Weiberl hat's koan's,

di Kotz' hat eahm's g'fress'n.

Im Wirtshaus sitzt dort

a stanalter Bauer,

der red't schier ka Wort,

is a voller Trauer.

Beneiden tut er

im Wald draußt des Vögerl,

denn 's plagt ihn gar sehr

sei Eh'weib, d'Frau Regerl.

Sie keppelt glei gnua,

sie verbittert ihm's Essen,

gibt niemals a Ruah' -

und ka Kotz' will ihm's fressen!