's Fensterg'sangl

Du herzig's schen's Diandel,

sei freundli mit mir,

schau, wos konm den da Mensch

um sein Wohlg'fall'n dafür?

Zwa Veigerl sand d'Äugerl,

zwa Reserl sand d'Wang',

und dö möch i hald brocka,

wos laugn' i's denn long!

All' meine Gedanka,

dö laufen dir nach,

war oan Wellerl den andern

in rauschaten Bach.

Wiar in Früeling oan Vögerl

den andern nachfliagt,

und wiar d'Sunn' alli Blümerln

geg'n seina hinbiagt,

so folgt dir mein Herz

ohne Rast, ohne Rua,

und da halsstarri Kopf

gibt sein Jawort dazua.

D'rum, herzig's schen's Diandel,

sei freundli mit mir,

schau, wos konm den da Mensch

um sein Wohlg'fall'n dafür?