Saint Valentin

A ce jour de saint Valentin

Qu'il me convient choisir ung per,

Et que je n'y puis esohapper,

Pensée prens pour mon butin.

Elle m'a resveillé matin,

En venant à mon huis frapper,

A ce jour de saint Valentin

Qu'il me convient choisir ung per.

Ensemble nous arons hutin,

S'elle veult trop mon cueur happer;

Mais, s'Espoir je pense atrapper,

Je parlasse d'autre latin,

A ce jour de saint Valentin.