Da Herrgott liabt d'Welt
C. Banck
Da Herrgott liabt d Welt,
Hot's mit Rosan umwundn;
Da Teufel denkt: Hallo!
Hot s Pulver erfundn.
Da Herrgott liabt d Welt,
Hot s guat Weinl erkorn:
Und da Teufel mochts noch,
Is a Schnapsl draus worn.
Da Herrgott liabt d Welt,
Hot die Priaster erschoffn;
Da Teufel, sein Feind,
Da geht her und mocht Pfoffn.
Da Herrgott liabt d Welt,
Hat d schön Dirndln aufbrocht;
Und da Teufel, der Teufel!
Hot olti Weiba draus gemocht.
Da Herrgott sogt jo,
Und da Teufl sogt noa,
Und dron kent ma s holt leicht
Ausanonda, de Zwoa.