Liebesklage

"Schätzeli, was trurist du, weinist du, chlagist du?

Schätzeli, was trurist du, weinist du so sehr?"

Ach! wenn i mein', i heig e Schatz,

Ach! so rumplet nume d'Chatz.

Darum, darum truren i, weinen i, chlagen i,

Darum, darum truren i, weinen i so sehr.

"Schätzeli, was trurist du, weinist du, chlagist du?

Schätzeli, was trurist du, weinist du so sehr?"

Ach! wenn i mein', i heig es Lieb',

Ach! so isch es numen e Dieb.

Darum, darum truren i, weinen i, chlagen i,

Darum, darum truren i, weinen i so sehr.

"Schätzeli, was trurist du, weinist du, chlagist du?

Schätzeli, was truirst du, weinist du so sehr?"

Ach! wenn i mein', jitz chunnt er g'schwind!

Ach! so isch's nüt as der Wind.

Darum, darum truren i, weinen i, chlagen i,

Darum, darum truren i, weinen i so sehr.