Pantheon abluitur / Apollinis eclipsatur / Zodiacum signis

Triplum:

Pantheon abluitur, templum pseudo deorum,

contruitur ecclesia sanctorum,

plus error destruitur, mutavi honorum.

Prima Sancta Trinitas ibidem veneratur

gratiam divinas, ut plene largiatur;

hinc laudum concinitas majestate collocatur,

ierarchias complete post decem venerari,

laus sequitur prophete Johannes tam preciari.

Duodecim athlete tunc debent collaudari,

martirum vibratio consequenter laudatur.

Confitens flagratio vicissim decoratur

virginum fragratio laude simul fruatur.

Nos ubique locorum his festum celebrare

jubemur singulorum si non constat servare

jus supplent honorum quos contigit peccare

nunc caput deprecentur istius membra festi

corda nostra la ventur sic lavate celesti

ne nobis dominentur proditores scelesti

Duplum:

Apollinis eclipsatur nunquam lux cum peragatur,

signorum ministerio bis sex quibus armonica fulget

arte basilica musicorum collegio

multiformibus figuris e quo nitet J. De Muris

modo colorum vario,

Philippus De Vitriaco acta plura vernant aquo

ordine multiphario,

noscit Henricus tonorum tenorem bene

Magnicum Dionisio,

Renaudus De Tyromonte Orpheico potus fonte,

Robertus De Palatio

actubus petulantia fungens, gaudet poetria

Wilhelmi De Mascaubo,

Egidius De Morino baritonans cum Garino

quem conoscat Suessio,

Arnaldus Martini jugis philomena, P. De Brugis,

Gaufridos De Barrolio:

Vox quorum mundi climata penetrat ad algamata

doxe fruantur bravio.

Contratenor:

Zodiacum signis justrantibus

armonia Phebi fulgentibus

musicali palam sinergia,

Pictagore numerus ter quibus

adequatur preradiantibus,

Boetii basis solercia,

B. De Clugni nittens energia

artis practice cum theoria.

recomendans se subdit omnibus

presentia per salutaria

musicoum triplimateria

notitiam dat de nominibus.