Celui qui n’ayme est malheureux

Celuy qui n'ayme est malheureux

Et malheureux est l'amoureux

Mais la misere la plus grande,

C'est quand l'amant apres avoir

En bien servant fait son devoir

Ne peut avoir ce qu'il demande.

La race en amours ne sert rien,

Ne beauté, grace, ne maintien

Sans honneur la muse gist morte,

Sans plus les femmes du jourdhuy,

En se vendant, ayment celuy

Qui le plus d'argent leur aporte.

Puisse mourir mechantement

Qui l'or ayma premierement,

Par luy le frere n'est pas frere,

Par luy le pere n'est pas père,

Par luy la seur n'est pas seur,

Et la mere n'est pas la mere.