Ne me devez-vous bien aimer

Quand vous voyez, que l'estincelle

De chaste Amour soubz mon esselle

Vient tous les jours à s'allumer,

Ne me debvez vous bien aymer?

Quand vous me voyez tousjours celle,

Qui pour vous souffre, et son mal cele,

Me laissant par luy consumer,

Ne me debvez vous bien aimer?

Quand vous voyez, que pour moins belle,

Je ne prens contre vous querelle,

Mais pour mien vous veulx reclamer,

Ne me debvez vous bien aimer?

Quand pour quelque autre amour nouvelle,

Jamais ne vous serai cruelle,

Sans aucune plaincte former,

Ne me debvez vous bien aimer?

Quand vous verrez, que sans cautelle

Tousjours vous seray esté telle,

Que le temps pourra affirmer,

Ne me debvez vous bien aimer?