J'ay d'un costé l'honneur

J'ay d'un costé l'honneur tant estimé

Devant les yeulx, lequel je veulx avoir.

J'ay d'aultre part un amy tant aymé

Dedans mon cœur, que je n'ay le pouvoir

De l'en oster, et si ne les puis voir

Tous deux en moy dont fort je me tourmente.

Las, je ne sçay duquel me rendre absente,

Car l'un m'est doulx et si près de mon cceur,

L'aultre un chascun si très fort il contente

Qu'encontre moy il sera le vainqueur.