La guerre

Première partie

Escoutez tous gentils gaulois

La victoire du grand Roy des Françoys.

Et orrez, si bien escoutez

Des coups rués de tous costés.

Phifres souflez, Frapez tambours,

Tournez, virez, Faittes vos tours.

Phifres soufflez, battez tousjours.

Avanturiers, bons compagnons,

Ensemble croisez vos bastons,

Bandez soudain, gentils Gascons,

Haquebusiers faittes vos sons,

Nobles, saultez dans les arçons,

Armez, bouclez, frisque et mignons,

La lance au poing, hardis et prompts,

Donnez dedans, grincez les dents

Soyez hardis en joye mis.

Alarme, alarme,

Chascun s'assaisonne

La fleur de lys, Fleur de haut pris,

Y est en personne.

Poulsez faucons et gros canons

Pour faire bresche aux compagnons

Et mettre à mort ces Bourguignons.

Sonnez trompettes et clairons.

Deuxième partie

Fan fan. Frere le le lan fan fan

Boutez selle... A l'estandart

Tost avant, gens d'armes à cheval

Farirarirariron... Tost à l'estandart.

Frere le le lan fan...

Bruyez, tonnez, bruyez bombardes et faucons

Pour entrer sur ces Bourguignons

Teu teu teu pedou pedou...

Rendes-vous Bourguignons

Sortez du lieu, sortez, vuidez.

Ne vous faittes plus canonner,

La place fault abandonner

Tarirarira... la la la... Pon pon pon...

Courage, France, Donnez des horions.

Chippe choppe, torche lorgne

Zin zin patipatac... A mort à mort...

Frappez, batez, ruez, tuez,

Serre, France, tarirarira..., Courage.

Donnez dedans, grincez les dents

Fers esmolus, choquez dessus,

France, courage, ils sont en fuyte,

Ils montrent les talons, courage compagnons,

Donnez des horions, Tuez ces Bourguignons.

Ils sont confus, ils sont perdus,

Prenez courage, après, après, suyvez de près,

Donnez sur le bagaige, ne leur laissez nul gage.

Victoire au grand Roy des Françoys.