Ou mettra l'on ung baiser favorable

Ou mettra l'on ung baiser favorable

Qu'on m'a donné pour seurement tenir?

Le mettre en l'œil il n'en est pas capable

La main n'y peult toucher ny advenir,

La bouche en prent ce qu'en peult retenir

Et n'en retient qu'autant que le bien dure.

C'est donc au cueur: l'effaict et garde seure.

De ce présent a aultre n'appartient

O doulx baiser estrange est ta nature,

Bouche le prent et le cueur le retient.