Une belle jeune espousée

Une belle jeune espousée

Estoit une foys en devis

Avec une vieille ruzée

Et disoit » dame, a vostre advis

Les hommes sont ilz si ravis

Quand ilz le font et ont ilz bien

Autant que nous d'aise et de bien?«

» Je croy, se luy respondit elle,

Ilz sentent doulceur toute telle

Mais elle passe comme vent. «

» Je m'esbahis donc, dist la belle,

Qu'il n'y retourne plus souvent. «