Den heilage Olav

Sogo, sagd um mange

Menn det stend Segn og Sol av,

rister eg her i Rad og Rim

um den heilage Olav.

Viking og vonde Blotmann

ut han or Villskap fria;

lørde deim lyde kvite Krist

og den milde Maria.

Soli sunnan kveiktest

linnt yvi Sjø og Strendar;

Blokkur og Blomar livna fram

under dei blaae Fennar.

Troll og Tussar tunge

sterk i Stein han støytte;

raatt og røti med Rot han reiv;

Hardhug i Blod han bløytte.

Gamle Gudar ramla;

reint han Rome sopa,

nøydde gamle Norig inn

i det unge Europa.

Folke sveik sin Drottin,

dreiv han or Landeviste;

drap han og søkte i femhundrad Aar

Raad og Hjelp ved hans Kiste.