Je suis aimé de la plus belle

Je suis aymé de la plus belle,

Qui soit vivant dessoubz les Cieulx:

Encontre tous faulx Envieulx

Je la soustiendray estre telle.

Si Cupido doulx, et rebelle

Avoit desbendé ses deux yeux,

Pour veoir son maintien gracieux,

Je croy qu'amoureux seroit d'elle.

Venus la Deesse immortelle

Tu as faict mon cueur bien heureux,

De l'avoir faict estre amoureux

D'une si noble Damoyselle.