Mainzer Mägdelied

Mei' Herzensallerliebster,

Das is en Bettelmann,

Ich steck' em gude Bisse zu

Un's beste von de Pann,

Unn ich geww' en Hasebrade

Unn delikate Wein

Unn nochert ebbes Süßes aach

Unn en Kuss noch owwedrein.

Heut' geht mei' Herrschaft danze,

Do kimmt mein Bettelmann;

Ich stopp' em in sein Bettelsack

So viel als ich nor kann.

Unn do denk' ich doch, ich mäán als,

Er könnt' zufridde sein,

Doch hör' nor äáns, er fordert jo

Aach en Kuss noch owwedrein.

Unn wann se mich fortjage,

Des is mer aach all' eens,

Ich habb' ja noch mein Bettelmann,

Die Welt is jo nit Meenz.

Ei mer ziehn zusamme bettle,

So weit nor fließt der Rhein,

Unn alles kriecht mein Bettelmann

Unn en Kuss noch owwedrein.