Yver, vous n'estes qu'un vilain

Yver, vous n'estes qu'un villain;

Esté est plaisant et gentil,

En tesmoing de May et d'Avril

Qui l'accompaignent soir et main.

Esté revest champs, bois et fleurs,

De sa livrée de verdure

Et de maintes autres couleurs,

Par l'ordonnance de Nature.

Mais vous, Yver, trop estes plain

De nège, vent, pluye et grézil;

On vous deust banir en éxil.

Sans point flater, je parle plain.