Schwäbisches Liebesliedchen

Herzliebschter Schatz

Was fang i a'

Daß i koi' Ruh

Meh' finde ka'?

Bald schuckert's me,

Bald wurd's mer schwül,

Und 's Herz goht mir

Als wien a Mühl.

Und won i geh

Und won i steh,

Do moin i halt

I müeß die seh'.

Schätz, han dir z' dief

In d'Äugle guckt

Wo du beim Danz

Mir d'Hand hoscht druckt.

Denn als die dei'

In meiner gruht,

Und du mir gsagt,

De sei'scht mer gut --

Und wie d'so lieb

In's Herz mir gseh',

Do han i glaubt

I müeß vergeh'.

Ja 's ischt mer heut no'

Wien a Traum --

Mei' Lieb, mei' Glück,

Ka's fasse kaum.

Jetzt sag, jetzt sag,

Herzliebschter Schatz,

Hot so viel Glück

Im Herz Platz?