Du und i

Gar so nett trifft es z'samm

und so nett trifft es zua,

dass du, mei Herzensfreud',

du meine Seligkeit,

dass du a Dirndel bist

und i a Bua.

Gar so nett trifft es zua

und so nett trifft es z'samm,

dass mir am Abend spät,

wann All's schon schlafen geht,

dass mir zur selb'gen Stund'

Zeit all'mal hab'n.

Gar so nett trifft es z'samm

und so nett trifft es zua,

dass ma beim Busselgeb'n

selten wo trifft daneb'n;

du gibst die Busseln her,

i krieg' net gnua!

Und wegen dem so Netten,

da sein ma beinand',

und wegen dem so Netten

da bleib'n ma bekannt,

und wegen dem so Netten

lass' ma nimmer von'and!