I wois wo a Rösle

I woiß, wo a Rösle,

so schön un so fein,

es wird net a zweit's so

im Schwobeland sein!

Dös allerliebst Rösle,

dös Rösle bist du,

und ob du au Dorn hast,

i nemm di im Nu!

I woiß wo a Nest,

's sitzt a Vögele drin,

dös will, ja, dös will mer

halt net aus mei'm Sinn!

Dein Herz ist a's Nestle,

darinne sitzt d'Lieb',

und i, ei i wär gern

des Vögeles Dieb!

I woiß a Paar Sternle,

so hell und so klar,

am schönste Nachthimmel

is net so a Paar.

Und selbig's Paar Sternle?

Komm, Schatz, guck me an,

dass i in mein Himmel

recht nein schaua kann.