Mädele, guck' raus

Mädele guck 'raus, guck 'raus,

D'Nachtigalle schlage --

Schtôht a-n Armer vor deĩ'm Haus,

Der net wôiß wo eĩ und aus,

Möcht dir Ebbes sage --

Mädele guck 'raus.

Mädele komm her, komm her,

Bischt so lieb zum schtehle;

Hôscht a Herz voll Treu und Ehr,

Schau, wenn des meĩ ôige wär,

Thät mer nex mẽh fehle --

Mädele komm her.

Mädele schlag eĩ', schlag eĩ',

Aber net dernebe,

Sag net jô und sag net neĩ',

So mag 's End vom Liedle sei',

Daß du meĩ' für's Lebe --

Mädele schlag eĩ'!