s' Rösle

I' woiß wo a Rösle

So schöa und so fei',

As wird net a zwoit's so

Im Schwobeland sei'!

I' woiß wo a Nescht

Und a Vögele drin,

Dees Vögele will m'r

Halt net aus mei'm Sinn.

I' woiß a Paar Schternle

So hell und so klar,

Am schönschte Nachthi'mel

Ischt net so a Paar!

Dees ällerliabscht Rösle,

Dees Rösle bischt Du

Und [hättescht an' Dorne,

I' nähm'] De' im Nu!

Und dei' ischt's sell Nescht

Und as Vögele d'Liab',

Und i', ei, i' wär' gern

Der Vögelesdiab.

Und's selbig Paar Schternle? --

Komm, Schatz, sieh me' a,

Daß i' in mei'n Hi'mel

Recht nei' gucke ka!