Trinklied

Mer händ e Trotte zmitts im Dorf,

Wo Wi i Ströme schwillt;

Drum wämmer tapfer löte,

Bis d'Chueh e Batze gilt!

Es macht is jo kes Loch i Chopf,

Wenn's Wibervölchli schilt;

Drum wämmer tapfer löte,

Bis d'Chueh e Batze gilt!

En andre schlüf mira i's Bett,

En andre schlarpet z'Chilt;

Hergäge mir wänd löte,

Bis d'Chueh e Batze gilt!

Trink us, du chächi Männeschar!

Schäk i! Trink us! Es gilt!

Jetz wämmer tapfer löte,

Bis d'Chueh e Batze gilt!