Wer böpperlet a der Chammer a?

Wer böpperlet a der Chammer a?

- Nu ich bis, seit de Heiri.

Se pack di hei! Was witt du da?

- Nu öppis! seit de Heiri.

De schliichscht ja, wie wennd gstole hettscht!

- Chumm lueg nu! seit de Heiri.

De machscht na Stämpeneie zletscht!

- Cha scho sy, seit de Heiri.

Und lies i di is Chämmerli

- O las mi! seit de Heiri

Se wärs dänn mit mim Schlaf verbi.

- Natürli! seit de Heiri.

Und wärischt i mim Chämmerli

- O wär i! seit de Heiri

Se wettscht, bis's taget, bi mer sy.

- Bis's taget, seit de Heiri.

Und wettischt die Nacht bi mer sy

- Di ganz Nacht, seit de Heiri

Se fürch i, chämischt wider gli.

- Gli wider, seit de Heiri.

Was gscheh mag dänn im Chämmerli

- Las gscheh nu! seit de Heiri

Das rat i der, das bhalt für di!

- Verstaht si! seit de Heiri.