Corbie sang

The merle in the hauch sings sweet,

The mavie on the hill:

But I mak merry at my meat

And craik to please mysel'.

The licht maun low'r, the sang maun owre,

The grumlie nicht be lang:

Ye canna glowk afore ye howk

Sae lat your straik be strang.

O! bonnie is the simmer sün

And flourish on the tree:

But the mauchies in a murlie bane

Are bonnier than me.

The wind maun blaw, the fleur maun fa',

The grumlie nicht be lang:

Ye canna glowk afore ye howk

Sae lat your straik be strang.