The gowk

Half doun the hill, whaur fa's the linn

Far frae the flaught o' fowk,

I saw upon a lanely whin

A lanely singin' gowk:

Cuckoo, cuckoo;

And at my back

The howie stüde up and spak:

Cuckoo, cuckoo.

There was nae soun': the loupin' linn

Hung frostit in tis fa':

Nae bird was on the lanely whin

Sae white wi' fleurs o' snaw:

Cuckoo, cuckoo;

I stüde stane still;

And saftly spak the howie hill:

Cuckoo, cuckoo.