Exulta, gaude, filia Sion

Exulta, gaude, filia Sion;

triumpha, iubila, filia Ierusalem.

In te natus est salvator mundi;

in te natus est rex pacificus,

in te natus est rex magnus, rex admirabilis,

Deus fortis, Pater futuri saeculi, princeps

mundi, princeps pacis.

Exulta, gaude, filia Sion; triumpha, iubila, filia

Ierusalem.

Consurge, sede Ierusalem, induere vestibus

iucunditatis et gloriae.

Solve vincula colli tui captiva filia Sion.

Quoniam illuxit tibi dies redemptionis tuae,

dies gratissima, dies felicitatis aeternae.

Exulta, gaude, filia Sion;

triumpha, iubila, filia Ierusalem.

Noe, noe.