La chiajese

M'affaccio ala fenesta la matina

e bedo Cicco e Cola int'a la varca

che lassano da poppa Morveglina

e strillan'a Sorriento a chi se mmarca.

Le dico buon viaggio e po penz'io

pure accossì partette Ninno mio

Mamma mme dice, lava, io lavo e spanno

Li panne de li frate int'a l'arene.

Ma po mme vene a chiagnere penzanno

Ca Ninno cchiù non dà li panne a mmene.

Nce li stirava co tutto lo core

E mmo Ninno non e ' è. Oh! che dolore.

Se a tavola me metto pe magnare

Nu muorzo 'ncuorpo non ce vò trasire.

Po tornano li vuzze da pescare

E sulo Ninno mio non bò venire.

Vene la sera e torna la matina

E io chiagno sempe e guardo Morveglina

Nennillo mio d'amore, tu partive

E Rosa toja chiagnenno te guardava.

Nzignale co la mano le facive,

Lo moccaturo io sbentoliava.

Ogne bela che bedo tu mme pare

Torna, o Nennella toja se jetta a mmare.