Adieu, jusque je vous revoye

Adieu, jusque je vous revoye

Adieu le droit fleuve de joye,

Mon confort, mon espoir joieulx,

Le partir m'est tant doulereulx

Que scay que faire doye.

Estre joyeulx je ne poroye

Quant j'eslonge que ne vous voye

Mon bien et mon heur gracieux.

Adieu, jusque je vous revoye

Adieu le droit fleuve de joye,

Mon confort, mon espoir joieulx.

Adieu vous dy, dont trop m'annoye,

Adieu le mieulx qu'amours m'envoye,

Belle que tous jours servir vueilx.

Autant de biens vous envoit dieux

Que pour moi mesmes le voudroye.

Adieu, jusque je vous revoye

Adieu le droit fleuve de joye,

Mon confort, mon espoir joieulx,

Le partir m'est tant doulereulx

Que scay que faire doye.