Adieu mes tres belles amours

Adieu mes tres belles amours

Mon espoir quanque j'ay de bien

A ce cop ycy voy je bien

Que je pers joye et tous bons jours.

Puis que j'elonge en plains, en plours,

Ce que j'aime sur toutes rien,

Adieu mes tres belles amours

Mon espoir quanque j'ay de bien

En moi seront maintes dolours

Sans que j'aye un seul plaisir mien.

Je suis deffet, comme je tien

Sy celles me dure tous jours.

Adieu mes tres belles amours

Mon espoir quanque j'ay de bien

A ce cop ycy voy je bien

Que je pers joye et tous bons jours.