Je ne pouroye estre joyeux

Je ne pouroye estre joyeux

Quant y'ai perdu mon chapiron

Qui estoit tant belle et tant bon

Que nulx ne saroit fiere mieux.

Je ne croy pas que soulx les chieux

En ait ung de telle fasson.

Je ne pouroye estre joyeux

Quant y'ai perdu mon chapiron

Helas, j'en suis tant amoureux

Qu'a grant paine le croiroit on,

Et il y a bonne rayson

Car il est trestout gracieux.

Je ne pouroye estre joyeux

Quant y'ai perdu mon chapiron

Qui estoit tant belle et tant bon

Que nulx ne saroit fiere mieux.