Mon seul et souverain désir

Mon seul et souverain désir

Mon confort et mon vray espoir

Je ne porteray riens que noir

Tant que je vous puisse revenir.

Hellas, mon bien tout mon plaisir.

Ne me mettez en non chaloir

Mon seul et souverain désir

Mon confort et mon vray espoir

Car je voel a vous obeir

Et si n'ay nul aultre vouloir

Je ne puis riens sans vous voir,

Aultre ne me peut resjouir.

Mon seul et souverain désir

Mon confort et mon vray espoir

Je ne porteray riens que noir

Tant que je vous puisse revenir.