Tant plus ayme

Tant plus ayme, tant plus suy mal amé

Tant plus requiers, tant plus suy refussé,

Tant plus je veul, tant plus de moy n'a cure,

Tant plus me plains, tant plus ma payne est dure,

Quant ma dame ne prent de moy pité.

Helas je l'ay servi en loiauté

En esperant d'estre reconforté

Et toutes fois mon fait n'est qu'aventure.

Tant plus ayme, tant plus suy mal amé

Tant plus requiers, tant plus suy refussé,

Tant plus je veul, tant plus de moy n'a cure.

Mais si luy plaist que je sois appellé

Son seul amy et que cessoit son gre,

De la servir je metteray paine et cure

Car aultre rien certes je ne parcure

En attendant sa bonne vollenté.

Tant plus ayme, tant plus suy mal amé

Tant plus requiers, tant plus suy refussé,

Tant plus je veul, tant plus de moy n'a cure,

Tant plus me plains, tant plus ma payne est dure,

Quant ma dame ne prent de moy pité.