Belle, vueillés moy vengier

Belle, vueillés moy vengier

De ce rigoreux Dangier

Qui veult ma joie deffaire,

Et met povoir et affaire

A mon plaisir dommagier.

Jamaiz ne vous vueil changier

Ne sur vous rien chalengier,

Fors vostre bon plaisir faire;

Belle, [vueillés moy vengier

De ce rigoreux Dangier

Qui veult ma joie deffaire.]

Ne me souffrés ou dangier

De ce cruel lozengier,

Qui tant est mon adversaire

Et tant veult sur moy meffaire

Que de mon bien atargier.

Belle, [vueillés moy vengier

De ce rigoreux Dangier

Qui veult ma joie deffaire,

Et met povoir et affaire

A mon plaisir dommagier.]