Belle, vueilliés vostre mercy donner

Belle, vueilliés vostre mercy donner

A moy qui suy vostre leal servant.

Car de mon cuer et quant que j'ay vayllant,

Sur toutes je vous en vueil ahirter.

Je ne me vuel a nulle presenter,

Ains vuel du tout faire vostre commant.

Belle, [vueilliés vostre mercy donner

A moy qui suy vostre leal servant.]

Certes ne puis, belle, pour vous durer,

Morir me font envieux mesdisant.

Je n'ose a vous, se non par doux semblant,

Belle, mon mal ne dire ne monstrer.

Belle, [vueilliés vostre mercy donner

A moy qui suy vostre leal servant.

Car de mon cuer et quant que j'ay vayllant,

Sur toutes je vous en vueil ahirter.]