Ce jour de l'an voudray joye mener

Ce jour de l'an voudray joye mener,

Chanter, danser, et mener chiere lie,

Pour maintenir la coutume jolye

Que tous amants sont tenus de garder.

Et pour certain tant me voudray poier

Que je puisse choisir nouvelle amie

- Ce jour [de l'an voudray joye mener,

Chanter, danser, et mener chiere lie] -

A laquelle je puisse presenter

Cuer, corps et biens, sans faire despartie.

He, dieus d'amours, syés de ma partie,

Que Fortune si ne me puist grever.

Ce jour de l'an voudray joye mener,

[Chanter, danser, et mener chiere lie,

Pour maintenir la coutume jolye

Que tous amants sont tenus de garder.]