Ce moys de may soyons lies et joyeux

Ce moys de may soyons lies et joyeux

Et de nos cuers ostons merancolye;

Chantons, dansons et menons chiere lye,

Pour despiter ces felons envieux.

Plus c'onques mais chascuns soit curieux

De bien servir sa maistresse jolye:

Ce moys [de may soyons lies et joyeux

Et de nos cuers ostons merancolye.]

Car la saison semont tous amoureux

A ce faire, pourtant n'y fallons mye.

Carissimi! Dufaÿ vous en prye

Et Perinet dira de mieux en mieux:

Ce moys de may [soyons lies et joyeux

Et de nos cuers ostons merancolye;

Chantons, dansons et menons chiere lye,

Pour despiter ces felons envieux.]