J'atendray tant qu'il vous playra

J'atendray tant qu'il vous playra

A vous declarer ma pensee,

Ma tres chiere dame honouree,

Je ne say s'il m'en desplayra.

Mais toutes fois, pour complaire a

Vostre personne desiree,

J'atendray [tant qu'il vous playra

A vous declarer ma pensee.]

Car j'ay espour, quant avendra

Qu'a ce vous serés acordee,

Que ma dolour sera cesee,

Je le vous ay dit long temps a.

J'atendray [tant qu'il vous playra

A vous declarer ma pensee,

Ma tres chiere dame honouree,

Je ne say s'il m'en desplayra.]