Je ne vis onques la pareille

Je ne vis onques la pareille

De vous, ma gracieuse dame

Car vo beaulte est, par mon ame,

Sus toutes aultres nonpareille.

En vous voiant je m'esmerveille

Et dis qu'est ceci nostre dame?

Je ne vis onques la pareille

De vous, ma gracieuse dame

Vostre tres grant doulceur resveille

Mon esprit, et mon oeil entame

Mon cuer, dont dire puis sans blame,

Puisqu'a vous server m'apareille

Je ne vis onques la pareille

De vous, ma gracieuse dame

Car vo beaulte est, par mo name,

Sus toutes aultres nonpareille.