La plus mignonne de mon cueur
G. Dufay
La plus mignonne de mon cueur
Je m'esbahis, dont ce me vient
Que sans cesser il me souvient
De vostre beaulté et doulceur.
Des bonnes estez la meilleur,
Puisque dire le vous convient,
La plus [mignonne de mon cueur
Je m'esbahis, dont ce me vient.]
Quant j'ay desplaisir ou douleur
Aucune foiz, comme il advient,
Je ne scay que cela devient
Pensant en vostre grant valleur.
La plus [mignonne de mon cueur
Je m'esbahis, dont ce me vient
Que sans cesser il me souvient
De vostre beaulté et doulceur.]