Las, que feray? ne que je devenray?

Las, que feray? ne que je devenray?

Est il nesun qui me puist consoler,

Ny aligier des maulx qu'ay a porter

Et nuit et jour, sans que deservy l'ay?

J'ay bien cause se je crye hahay,

Quant mon amy me veult abandoner.

Las, que [feray? ne que je devenray?

Est il nesun qui me puist consoler?]

Je l'ay amé leyaulment de cuer vray,

Mais cest amer me sera moult amer,

Car qui aime sans partye trouver,

En verité il n'est pas sans esmay.

Las, que [feray? ne que je devenray?

Est il nesun qui me puist consoler,

Ny aligier des maulx qu'ay a porter

Et nuit et jour, sans que deservy l'ay?]