Le serviteur hault guerdonné

Le serviteur hault guerdonné,

Assouvi et bien fortune,

L'eslite des heureux de France,

Me treuve par la pourveance

D'un tout seul mot bien ordonné.

Il me semble en prime estrenne;

Car apres dueil desordonné

Sui fait par nouvelle alliance

Le serviteur hault guerdonné,

Assouvi et bien fortune,

L'eslite des heureux de France.

J'estoye l'homme habandonné

Et le dolent infortuné,

Alors que vostre bienvouliance

Veult confermer mon esperance,

Quant ce beau nom me fut donné,

Le serviteur hault guerdonné,

Assouvi et bien fortune,

L'eslite des heureux de France,

Me treuve par la pourveance

D'un tout seul mot bien ordonné.