Ma belle dame souverainne

Ma belle dame souverainne,

Faites cesser ma grief dolour

Que j'endure pour vostre amour

Nuit et jour, dont j'ay tres grant painne.

Ou autrement, soiés certainne,

Je finneray dedens brief jour.

Ma belle [dame souverainne,

Faites cesser ma grief dolour.]

Il n'i a jour en la sepmainne

Que je ne soye en grant tristour;

Se me veulliés par vo doulcour

Secourir, de volonté plaine.

Ma belle [dame souverainne,

Faites cesser ma grief dolour

Que j'endure pour vostre amour

Nuit et jour, dont j'ay tres grant painne.]