Mon cuer me fait tous dis penser

Mon cuer me fait tous dis penser

A vous, belle, bonne, sans per,

Rose odourans comme la grainne,

Jone, gente, blanche que lainne,

Amoureuse, sage en parler.

Aultre de vous ne puis amer

Ne requerir ny honnourer,

Dame de toute beaulté plainne;

Mon cuer [me fait tous dis penser

A vous, belle, bonne, sans per,

Rose odourans comme la grainne.]

Resjoys sui et vueil chanter,

Et en mon cuer n'a point d'amer

Ayms ay toute joye mondaynne

Sans avoir tristesse ne painne,

Quant veoir puis vo beau vis cler.

Mon cuer [me fait tous dis penser

A vous, belle, bonne, sans per,

Rose odourans comme la grainne,

Jone, gente, blanche que lainne,

Amoureuse, sage en parler.]